قصيدة ( الدهر لو ماتكلم مكتشـف عيبنا )

الله على احداث الايام أصحت الغافلين
لولا   كورونا   جهلنا   مفتـرق   دربنا

دنيا تحيّر عـقول اهل الفكـر والفطين
جاملتها لين فاض الكيل عن صبرنا

جمعنـي  الحلم  بيّام  الصبـا والحنين
يـوم اتحاد المشـاعـر وانْعـدام الأنا

يومن بيتـي وبيـت الجار  لبنـه  وطين
لاناطحات السحاب ولا قصور الخنا

والكل قانـع  بما يكسـب  بفعل اليمين
واذاحصل قوت يومه حاز يوم المنا

والجار  والخال وابن العـم متسامحين
وقلوبهم بيض غاشيهاالسّـعدوالهنا

واليوم شفت العجائب مثل ماشايفين
ياكثر ماشفت في دنيا القسا والعنا

الكـذب والغـش  والتزويـر في كل عين
اللـه علـى من دماهم فسّـدت دمّنا

من لايحب الوفاق  وجمعة المسلمين
والّا عليـه السـّلام  ولا يجـي حولنا

الناس تتعـب خِطاها بيـن طالح  وزين
والحق عمله قديمه فـي قواميسنا

أحداث  الأيام  تمضي  والدهر  مايلين
سوالف الماضي اللي عكّرت صفونا

حنا  نعيب  الدّهر والدّهْر جنبه متين
مـظلوم منّا وسمّعنا العرب صوتنا

العيـب  فينـا  وحنا  ننسـبه  للسـنين
والدهر لو ماتكلم مكتشـف عيبنا

      د. حمود الذويبي الثبيتي